Ministrja Denaj: Shërbime cilësore dhe efikase për sektorin e bujqësisë

Ministrja e Bujqësisë dhe Zhvillimit Rural, Anila Denaj zhvilloi një takim me punonjës të kësaj ministrie, ku u shpreh se “nevojitet që të gjithë bashkë të jemi energjikë dhe të përkushtuar për të ofruar shërbime cilësore dhe efikase për sektorin në tërësi”. Denaj theksoi se MBZHR-ja është gjithmonë e gatshme dhe do të mirëpresë kontributin e profesionistëve të gjeneratës së re.

“Ndërsa punojmë për të rritur kapacitetet dhe fuqinë zhvilluese për blegtorët, fermerët, eksportet bujqësore, agroturizmin, akuakulturën dhe infrastrukturën e bujqësisë, nevojitet që të gjithë bashkë të jemi energjikë dhe të përkushtuar për të ofruar shërbime cilësore dhe efikase për sektorin në tërësi”, tha Denaj.

Ministrja Denaj u shpreh se “vetëm kjo nuk mjafton, prandaj Ministria e Bujqësisë dhe Zhvillimit Rural është gjithmonë e gatshme dhe do të mirëpresë kontributin e profesionistëve të gjeneratës së re, të cilët do të duhet të adaptojnë politikat tona në epokën kur teknologjia po ecën me hapa gjigantë”.