Ministrja Denaj takim me homologun Nikolovski në Shkup: Dakordësuam zgjerimin e bashkëpunimit

Ministrja e Bujqësisë dhe Zhvillimit Rural, Anila Denaj ndodhet në Shkup, ku ka zhvilluar një takim me homologun Ljupcho Nikolovski.

“Kënaqësi të zhvilloja takim me homologun Ljupcho Nikolovski, ministër i Bujqësisë, Pyjtarisë dhe Menaxhimit të Ujrave të Maqedonisë së Veriut, në kuadër të konferencës rajonale për ndryshimet e kushteve klimaterike dhe ndikimin në bujqësi”, u shpreh Denaj.

Nga ana tjetër, Denaj vuri në dukje dakortësinë mes dy vendeve për zgjerimin e marrëdhënieve që do të vijoj vitin e ardhshëm, në kuadër të marrëveshjeve bilaterale që kanë firmos dy vendet tona.

“Dakordësuam zgjerimin e marrëdhënieve që do të vijojmë në vitin e ardhshëm në kuadër të marrëveshjeve bilaterale që dy vendet tona kanë firmosur e në frymë të bashkëpunimit rajonal, si pjesë e axhendës së integrimit dhe Procesit të Berlinit, në rritje të cilësisë së produkteve dhe eksporteve”, deklaroi Denaj.