Ministrja e Bujqësisë, Anila Denaj: Në 5 muaj, eksportet bujqësore u rritën me 12%

Eksportet bujqësore në Shqipëri kanë shënuar një rritje të konsiderueshme prej 12% për 5-mujorin e parë të këtij viti, duke arritur në 182 mijë tonë nga 163 mijë tonë vitin e kaluar, njoftoi sot Ministrja e Bujqësisë dhe Zhvillimit Rural, Anila Denaj.

”Kjo rritje e qëndrueshme pasqyron përkushtimin e palodhur të fermerëve dhe bujqëve shqiptarë për të rritur prodhimin e produkteve “Made in Albania”. Gjithashtu, kjo rritje është rezultat i politikave të suksesshme të qeverisë në mbështetje të sektorit bujqësor”.

Ministrja Denaj thekson edhe se ky progres na afron gjithnjë e më shumë me objektivin ambicioz të arritjes së 1 miliard dollarë eksporte bujqësore deri në vitin 2030.