Ministrja Kushi: Kanë nisur përgatitjet nëpër shkolla që çdo gjë të jetë gati më 1 shtator

Ministrja e Arsimit, Sportit dhe Rinisë, Evis Kushi ka postuar pasditen e sotme momente të punës së punonjësve të bashkive nëpër shkolla, të cilët kanë nisur përgatitjet para fillimit të vitit të ri shkollor. Ajo shpreh mirënjohjen ndaj tyre, sepse po angazhohen që çdo gjë të jetë gati më datë 1 shtator për të gjithë nxënësit që do të zhvillojnë mësimin plotësues.

Postimi i plotë

Mirënjohje për punonjësit e njësive të vetëqeverisjes vendore, të cilët tashmë kanë filluar rregullimin e mjediseve të brendshme e të jashtme të shkollave tona, lyerjen, dezinfektimin, e plot punë të tjera në mënyrë që çdo gjë të jetë gati më datë 1 shtator për nxënësit që do të zhvillojnë mësimin plotësues.