Ministrja Kushi, thirrje studentëve: Vaksinohuni!

Ministrja e Arsimit dhe Sportit, Evis Kushi ka publikuar në rrjetin e saj social “Facebook” një album me foto nga universitete të ndryshme të vendit, ku ka nisur tashmë procesi i vaksinimit masiv të studentëve dhe që do të shtrihet mes datave 11-17 tetor duke synuar vaksinimin e studentëve ende të pavaksinuar në mënyrë që të nisë mbarë viti akademik më datë 18 tetor.

Postimi i plotë i Ministres Kushi:

👉Në të gjithë vendin ka filluar “Java e Vaksinimit Masiv të Studentëve”, të cilët po i bashkohen çdo ditë e më shumë këtij procesi.
I bëj thirrje edhe një herë të gjithë studentëve të pavaksinuar që përgjatë kësaj jave të paraqiten në qendrat e vaksinimit pranë fakulteteve të tyre, për interesin e përbashkët të rikthimit në normalitet, por edhe për të ndihmuar në fillimin e një viti të mbarë akademik.