Ministrja Xhaçka tregon për sa kohë do strehohen afganët në Shqipëri

Shtetasit afganë që strehohen dhe ata që do të vijnë në javët e ardhshme, sipas ministres së Jashtme të rikonfirmuar në qeverinë “Rama 3” , ata do të qëndrojnë një vit.

Sipas Olta Xhaçkës, kjo kohë do shërbejë për përpunimin e aplikimit për viza në Amerikë dhe kjo kërkon kohë.

“Përpunimi i aplikimit për viza duhet të marrë të paktën një vit. Është një operacion konsullor me përmasa të jashtëzakonshme që do kërkojë një kohë të gjatë”, tha Xhaçka.