Ministrja Xhaçka vizitë në Prishtinë: Serbia të njohë pavarësinë e Kosovës

Ministrja për Europën dhe Punët e Jashtme, Olta Xhaçka po zhvillon një takim zyrtar në Prishtinë, ku u prit nga homologia Donika Gërvalla.

Xhaçka kërkoi nga Prishtina zyrtare vijim të bisedimeve me Serbinë dhe Beogradit njohjen e pavarësisë, thirrje e cila u mbështet dhe nga Gërvalla.

“Çështja më e rëndësishme në këtë kontekst është mbështetja e dialogut Kosovë serbi dhe arritja e një marrëveshje që sjell njohjen e ndërsjellë mes dy vendeve dhe i hap rrugë anëtarësimit të Prishtinës në OKB dhe organizata të tjera ndërkombëtare. Arritja e marrëveshjes është një domosdoshmëri për rajonin tonë”, tha Xhaçka.