Mjegulla pushton juglindjen, Policia Rrugore apel shoferëve të ulin shpejtësinë

Mjegulla ka pushtuar thuajse gjithë juglindjen e vendit. Në aksin Zebmlak-Dishnicë si dhe segmentin e rrugës nacionale Bulgarec-Pirg, mjegulla ka qenë më e dendur.

E njëjta situatë ka qenë edhe në rrugën nacionale Zvezde-Goricë e Madhe, ku ndodhet pika e kalimit kufitar që lidh vendin tonë me Maqedoninë e Veriut.

Në kushte të tilla atmosferike, Policia Rrugore u ka kërkuar drejtuesve të mjeteve të bëjnë kujdes në lëvizje dhe të ulin shpejtësinë për të evituar aksidentet.