Mjeku në protestë: ”Nuk bëjmë fëmijë sepse nuk e mbajmë dot” (VIDEO)

Gjatë protestës së ditës së sotme të organizuar nga emigrantët e diasporës ka folur përballë protestuesve të tjerë edhe një qytetar me profesion lokoped i cili deklaroi se: ”Ne nuk jemi një popull i pandërgjegjshëm por jemi i pa arsimuar dhe i pa edukuar me ndjenën e reagimit qytetar dhe besimit në vete”.

Duke theksuar rëndësinë e shqetësimit që kanë banorët e prekur nga projekti i ”Unazës së Re” dhe ai i zgjatimit të bulevardit, mjeku theksoi edhe se: ”Nëse dikush mendon se unë jam i paguar po ju them se unë paguaj edhe për të burgosurit për rehabilitimin e tyre. Shanset për ndërtimin e një jetë më të mirë i meritojnë edhe ata”.

Më tej pohoi se protesta e diasporës dhe ajo e studentëve është për të rikthyer vëmendjen tek qytetarët shqiptarë. Asnjë politikan nuk mund të jetë mbi popullin. ”Fasada për të ndryshuar ministrat nuk pin më ujë z.Kryeministër. Nëse Sajmir Tahiri e mbushi vendin me drogë, sot me firmën tënde ai po tenton të rikthehet në politikë dhe jo të shkojë në burg, atje ku e meriton. Unë me bashkëshorten time po sakrifikojmë sepse nuk po bëjmë një fëmijë dhe të krijojmë një familje sepse nuk kemi ende mundësi t’i sigurojmë atij një të ardhme”.

Qytetari e akuzoi kryeministrin se ka 6 vjet që qeveris dhe bën sipas tij gjoja reforma por që deri sot ka treguar se ka futur njerëzit e vet në punë.