Mjeku Pipero: Kur ke vështirësi në frymëmarrje dhe mbi 30 frymëmarrje në minutë se nuk furnizohesh dot me oksigjen, atëherë shqetësohu

Mjeku i njohur epidemiolog, Pëllumb Pipero i ftuar në emisionin “Open” ka thënë se koronavirusi është shumë i ngjashëm me gripin e zakonshëm.

Sipas Piperos një nga gjërat që i dallon është vështirësia në frymëmarrje. Ai ka treguar se pikërisht kjo në shumë raste ngatërrohet dhe me ankthin që kanë njerëzit.

Sipas Piperos në rast se kalohet shifra prej 30 frymëmarrjesh në minutë, atëherë tregon se mushkëria ka mungesë të oksigjenit.

“Ngjan si dy pika uji me gripin e zakonshëm. Temperaturë, dhimbje koke, kollë dhimbje muskujsh, të vjella, diarre etj. Diferenca është tek vështirësia në frymëmarrje. Por ka edhe ankth. Më marrin në telefon. U them se vërë dorën në gjoks dhe shiko orën. Më thonë kam 17 frymëmarrje. Kjo nuk është vështirësi në frymëmarrje, ky është ankth. U kam thënë vështirësi në frymëmarrje është mbi 30 frymëmarrje në minutë pasi nuk furnizohen dot me oksigjen “- tha Pipero.