Mjeku: Vështirësi në frymëmarrje, temperaturë dhe kollë. Ju duhet të…

174 është numri i personave të prekur, nga të cilët 28 gjatë 24 orëve të fundit. Siç thanë edhe mjekët, këto janë dy javët e zjarrit dhe sigurisht që thirrjet për kujdes janë edhe më të forta. Por kur duhet të shqetësohemi? Dritan Ulqinaku, epidemiolog i Institutit të Shëndetit Publik (ISHP), theksoi se të gjitha rastet me vështirësi në frymëmarrje, temperaturë dhe kollë, ta konsiderojnë veten me Covid-19 dhe të qëndrojnë në kontakt me mjekun e familjes. “Ne i konsiderojmë të gjithë, nga Shkodra në Sarandë, sikur janë me koronavirus. Nuk ka më qarkullim gripi, ka qarkullim Covid-19. Çdo rast me temperaturë, vështirësi në frymëmarrje, lodhje, heqje e nuhatjes dhe shijes, ta konsiderojnë veten me koronavirus”.