Mjeku Xhaxho dhe deputeti Alimadhi shërohen nga koronavirusi, por do të qëndrojnë…

Ditën e sotme u konfirmua se tre persona të tjerë e fituan betejën me koronavirusin.

Deputeti Adriatik Alimadhi dhe mjeku Roland Xhaxho kanë rezultuar negativ në testin e dytë të COVID-19. Megjithatë të dy do të vijojnë të qëndrojnë ende të shtruar në Spitalin Infektiv, pasi ende kanë probleme me mushkëritë dhe frymëmarrjen.

Kujdesi mjekësor vazhdon që të jetë i madh ndaj tyre, ndërkohë që mjekët kanë menduar që të mos t’i nxjerrin për të shmangur komplikacione të mëtejshme.

Kryetari i Ballit Kombëtar ka pasur probleme më serioze me frymëmarrjen dhe ai përdori oksigjen nisur nga vështirësitë.