Mjeti del nga rruga në Gjirokastër, plagoset drejtuesja dhe pasagjeret

Tre persona mbetën të plagosur në një aksident rrugor në Gjirokastër.

Ngjarja ka ndodhur në rrugën rurale të fshatit Krahës 1, ku mjeti tip “Toyota”, me drejtuese shtetasen A.D., 43 vjeçe, banuese në fshatin Krahës 1 ka dalë nga rruga.

Për pasojë janë dëmtuar drejtuesja e mjetit dhe shtetasja K.L, të cilat ndodhen në spitalin Rajonal Gjirokastër jashtë rrezikut për jetën.

Ndërsa shtetasja I.D. ndodhet në reanimacion.

Në vendngjarje ndodhet grupi hetimor dhe po punon për zbardhjen e shkaqeve të aksidentit.