Mocioni i mosbesimit, Abazoviç: Nuk tradhëtova

Zv/kryeministri malazez dhe kreu i Lëvizjes Qytetare URA, Dritan Abazoviç, thotë se qeveria aktuale e ka përfunduar misionin e saj dhe se ka ardhur koha që Mali i Zi të ec përpara. Abazoviç thotë se gjithçka duhet diskutuar fillimisht me Frontin Demokratik.

“Qeveria aktuale ka përfunduar misionin e saj dhe në periudhën e ardhshme do të duhet të zgjedhë mes dy koncepteve, qeveri e pakicës apo teknike, ose të shkurtojë mandatin e Kuvendit dhe të shkojë në zgjedhje parlamentare. Unë besoj se nga e hëna, ndoshta gjatë fundjavës, fillimisht do të flas me drejtuesit e DF”, tha Abazoviç.

Po ashtu ai theksoi se qeveria e pakicës është njëra nga zgjidhjet, ndërsa tjetra është qeveria teknike që do të përgatiste zgjedhjet .Ai tha se kurrë nuk ka tradhtuar askënd dhe as do ta bëjë.