Moderatori shqiptar: E fitova betejën me Covid-19, nuk ishte aspak e lehtë

Një tjetër personazh i botës së televizionit ka fituar betejën me Covid-19. Bledi Strakosha, përmes një mesazhi të shkurtër në profilin e tij në rrjetet sociale, thotë se beteja nuk ka qenë e lehtë, por fatmirësisht ia ka dalë.

”Të dashur miq, më në fund trupi im e fitoi betejën me Covid-19. Tashmë rezultoj negativ në të gjitha kontrollet e bëra. Nuk ishte e lehtë, por gjithsesi shumë më pak e vështirë se lufta që po bëjnë shumë të tjerë që janë shtruar në spitale. Faleminderit nga zemra të gjithë mjekëve qe më ndoqën e asistuan me aq përkushtim. Faleminderit familjes sime Faleminderit shumëëë edhe secilit prej jush (të njohur e të panjohur) që më qëndruat pranë në rrjet e më dhatë kurajo. Ju lutem kujdesuni për veten! Virusi do bëjë të vetën por edhe ne duhet të bëjmë tonën”.