“Mos e provofshi atë që provuam ne” Mesazhi i Justina Aliaj nga krevati i spitalit Infektiv

Gjendja shëndetësore e artistes së njohur shkodrane, Justina Aliaj është përmirësuar pas shumë ditësh e shtruar në spitalin Infektiv. Ka qenë vet artistja ajo e cila nëpërmjet një lidhje direkte nga “Facebook” i kryeministrit, Edi Rama ka bërë të ditur lajmin se shumë shpejt do të lerë spitalin dhe se ka mposhtur Covid-19.

Gjatë fjalës së saj Justina ka treguar eksperiencën e saj me këtë armik të padukshëm duke thënë se ishte tepër e vështirë

“Sëmundjen që më zuri e kam përballuar jashtëzakonisht vështirë dhe keq pasi nuk e dija se çfarë diagnozë kisha. Mendoja se e kisha grip, kështu rrodhën ditët me temperaturën 39 e gjysëm dhe filloi mjekimi intesiv sepse kisha një Covid shumë të avancuar”

Ajo gjithashtu falenderuar mjekët, infermierët, sanitarët për trajtimin që asaj i kanë bërë duke mos harruar të bëjë dhe një apel të fortë të gjithë qytetarëve që të mbajnë maskën.

“Kam vetëm një apel për të gjithë popullin shqiptar, ata e dinë, e shohin, e kanë parë, shpresoj që nuk do e kalojnë këtë mënxyrë, që na ka pllakosur në derë, ju lutem 1 mijë herë: Mos i hiqni maskat, maska sot është jeta juaj, mos provoni atë që provuam ne, ju mjafton eksperienca jonë” – thotë Justina Aliaj