Moti i keq, bllokohen 23 turistë në Kanionin e Langaricës

Stuhi e fortë dhe reshje të dendura shiu, bllokohen 23 turistë në Kanionin e Langaricës
Moti i keq ka përfshirë prej orësh vendin tonë, me stuhi dhe reshje të dendura shiu.

Për pasojë dalja nga shtrati i lumit në Kanionin e Langaricës, ka shkaktuar gjatë natës bllokimin e 23 turistëve në hyrje të Kanionit.

Ndërhyrja e forcave zjarrfikëse dhe policore në operacion bëri të mundur shpëtimin dhe nxjerrjen e turistëve dhe të mjeteve në parkun e përmbytur.

Gjatë kryerjes së operacionit të kërkim – shpëtimit, që zgjati për rreth dy orë, nuk pati asnjë të lënduar.

Turistët u evakuuan dhe u transportuan me mjetet e bashkisë e të policisë për t’u strehuar në hotelet e qytetit. Turistët ishin të kombësive të ndryshme (Francezë, Gjermanë e Polakë).