Moti i keq dëmton një pjesë të rrjetit elektrik në Fushë-Krujë

Për shkak të motit të keq, shoqëruar me erë të fortë, gjatë orës 2 të natës janë shkaktuar dëme në disa pjesë të rrjetit elektrik në disa zona të Fushë-Krujës.

Brigadat e OSHEE, prej orës 6 të mëngjesit, ndodhen në terren duke punuar për riparimin e linjave. Problem me furnizimin me energji kanë Nikla, Thumane, Bubq dhe një pjesë e qytetit të Fushë-Krujës, ndërsa qyteti i Krujës furnizohet normalisht me energji.

Për shkak të motit të keq, problem ka patur edhe në Malësinë Krujës prej reshjeve të dëborës. “Theksojmë se furtuna e fortë na pengon të ecim më shpejt me punimet”, sqaron OSHEE.