Moti përvëlues vijon edhe në gusht, ja kur priten reshje

Shqipëria është përfshirë nga një mot i nxehtë gjatë fundit të muajt korrik, por mesa duket kjo situatë do të vijojë edhe gjatë gushtit.

Sipas sinoptikanëve, fillimi i muajit gusht do të karakterizohet nga temperatura të larta.

Vlerat maksimale pritet të shkojnë në 40 gradë celsius, e do të mbeten të tilla përgjatë 10 ditëshit të parë të muajit.

Megjithatë nuk përjashtohen edhe reshje të herë pas herëshme. Në ditën e parë të gushtit  priten vranësira dhe shira në disa pjesë të vendit.

Duke filluar nga dita e martë e deri në fund të javës do të kemi vranësira, duke sjellë edhe shtrëngata shiu, që do të sjellin një freskim të motit.