Muça: 14 maji tregoi që Basha mori më shumë vota se Berisha

Gazetari Flogert Muça tha se zgjedhjet e 14 majit, treguan se Berisha dhe Meta së bashku arritën të marrin më pak vota se Lulzim Basha.

I ftuar në Euronews Albania, Muça tha se Basha ka marrë rreth 230.000 vota më shumë se sa arritën të merrnin Meta dhe Berisha së bashku, gjë që tregon se për Ramën është shumë më e lehtë fitorja kur ka këto dy figura përballë.

“Para dy vitesh Lulzim Basha përjashtoi Sali Berishën nga Partia Demokratike, ky i fundit I doli kundra dhe erdhi vetë bashkë me Alibeajn dhe Ilir Metën dhe morën nja 500.000 vota, ndërkohë që Luli me Monikën kishin marrë 730.000, pra kanë marrë nja 230.000 vota më shumë se Saliu dhe se Iliri. Mos harroni që kishte edhe Saliun dhe ilirin në qaf në atë kohë Basha, se Rama thoshte po votuat Bashën votoni, Saliun dhe Ilirin. Tani që përball me ta Rama tregoi se i mundë edhe më shumë”,-tha Flogert Muça.