“Na grinë me gjoba”, qytetari-Bashës: Edhe sa do e shtyjmë me këtë?

Kryetari i Partisë Demokratike, Lulzim Basha këtë të mërkurë ka zhvilluar një takim me qytetarët, ku ka diskutuar për disa çështje si situata ekonomike e vendit, gjobat si dhe largimin e të rinjve.

Gjatë takimit një qytetar ka ngritur dyshime se votat mund të manipulohen, pasi sipas tij, aty janë me laps. “Ne do ta bëjmë detyrën do ta dërgojmë votën. Unë e hedh në kuti por këto janë me laps, unë votoj këta me laps aty”, tha qytetari.

Bashkëbisedimi i Bashës me qytetarët

Lulzim Basha: Të falënderoj për mikpritjen.

Qytetari: Iu lumshin këmbët që erdhët se s’i kemi parë ata të tjerët hiç.

Lulzim Basha: Për çfarë të vijnë ata tek ty?

Qytetari: Jo po të vijnë njëherë ata se po u themi këto që po të themi ty po i them edhe atij.

Lulzim Basha: Shpirtin ta morën me gjoba.

Qytertari: O po na grinë fare.

Lulzim Basha: Pronat i vodhën. Për çfarë të vijë ai  tek ty?

Qytetari: Çfarë të them unë ty?

Qytetari: Thelbi i fushatës ishte ajo, fusni dorën në xhep, çfarë keni më shumë çfarë keni më pak pse të bëjmë kot si politikan dhe si financiera. Ne nuk do zgjidhim bursën e New York-ut. Vëlla unë nuk kam lekë aq sa kam patur, pikë mbaroi. Tani a e shikon se çfarë ka mbetur, vetëm pleq e plaka, a të ikim edhe ne. Hajde mo se po ikim le të rijnë këta.

Lulzim Basha: Atë do ai.

Qytetari: Ore unë e di që këtë do ai, por ne çfarë të bëjmë. Ne do ta bëjmë detyrën do ta dërgojmë votën. Si do na e dalësh nga ajo se e hodh në kuti dhe… se këto janë me laps, unë votoj këta me laps aty. Ky po lë shtëpinë e vetë se paska hallin tonë. Ja pra ku e ka hallin tonë, s’na ka ardhur njëherë. Po të ma thotë pra një se unë prandaj ja dhashë votën. Jam pjesë e një milionë shuplakave unë vëlla, e kam dy herë të vuajturën. Zotërote, ke votuar PD 2013 unë kam votuar këtë.

Lulzim Basha: Ty të dhëmbë dy fish më shumë.

Qytetari: Dy fish pra prandaj po të them. Bilës edhe në fushatë elektorale kam qenë për zgjedhjet e Velis, kam qenë në Petrel. Asnjë gjë s’na kanë ndihmuar vëlla. A kupton?! Kam shkuar si përfaqësues biznesi në OSHE, kur u bë reforma për energjinë elektrike, është bë nëmi në autostradë. Duhet ta dish domethënë. U prenë e u lidhën prapë.

Lulzim Basha:  E di.

Qytetari: S’është e ndershme kjo. Tani sa do e shtyjmë me këtë? Unë vajta 35 or shok.

Lulzim Basha: 2 muaj.

Qytetari: Por s’po durojmë dot as dy muaj mor, a kupton ti?! S’po durojmë dot as 2 muaj.

Qytetari 2: 2 muaj do durojmë. S’kemi ca  i bëjmë.

Qytetari: Po do durojmë, do durojmë, se ne kemi duruar 20 vite.

Lulzim Basha: Atë ditë e keni ju në dorë.