“Na jep lekët”, vidhet institucioni financiar tek “Shqiponja”, grabitësit arratisen me motor

Një vjedhje ka ndodhur mbrëmjen e sotme në një institucion financiar në kryeqytet. Ngjarja ka ndodhur tek ish-sheshi Shqiponja.

Gazetarja Dorjana Bezat raporton për ‘BalkanWeb’ se dy persona të paidentifikuar kanë hyrë në ambientet e këtij institucioni dhe nën kërcënimin e armës dhe kanë marrë një sasi lekësh që ishin mbi banak. Fill pas grabitjes, ata janë larguar me motor.

Aktualisht policia po vijon aksionin për kapjen e autorëve.