Naftëtarët e Ballshit në protestë, përplasje me policinë

Naftëtarët e Ballshit janë ngritur sërish në protestë këtë të hënë, për mungesën e pagave të prapambetura dhe rifillimin e punës.

Fillimisht ata u grumbulluan përpara Uzinës, ndërsa po tentojnë të futen me forcë brenda saj. Naftëtarët u përplasën me efektivët e policisë, teksa nuk kanë munguar tensionet dhe përpjekjet për të çarë kordonin e tyre.

Ata kërkojnë ndërhyrjen e shtetit dhe i bëjnë thirrje Ministrit të Brendshëm që të tërheqë forcat e policisë nga hyrja e rafinerisë.

Gjatë ketyrë ditëve ka pasur takime për të gjetur një rrugëzgjidhje por akoma nuk është dhënë asnjë zgjidhje konkrete.