Naftëtarët në protestë: Rafineria e Ballshit po shkon për skrap

Prania e makinave të tonazhit të rëndë në ambientet e Rafinerisë së Ballshit, alarmoi naftëtarët të cilët rendën pas tyre, duke bllokuar portën hyrëse.

Dyshimet i kanë se këto mjete janë dërguar nga kompania private që e administron Rafinerinë, për demontimin e saj. Ky proces për ta do të ishte fikje e çdo shprese për rikthimin e tyre në punë.

Për më shumë se 3 vite naftëtarët nuk po e ushtrojnë profesionin e tyre dhe kërkojnë që të mos shkojë për skrap ai që ishte burimi kryesor i të ardhurave për qytetin.

Pas shumë përpjekjesh, naftëtarët u njoftuan se një grup pune do të ngrihet nga Ministria për të dakordësuar dhe zbuluar më tepër, rreth situatës që po ndodh në Ballsh.