Nano: Nëse Kurti do merrte pjesë në ”Open Balkan”, Serbia do të pranonte se Kosova është një shtet që po negocion

Samiti i ”Open Balkan” në Ohër, po komentohet në mediat shqiptare. Gazetari Mustafa Nano thekson se prania e kryeministrit Albin Kurtit në samit, do ishte njësoj sikur Serbia ta pranonte Kosovës si shtet që po negocion.

”Kurti ka marrë një vendim që mbështet nga shumica dërrmuese e shqiptarëve në Kosovë. Ai po përfaqëson opinionin publik, ai nuk mund të shkojë të përfaqësojë kur opinioni publik nuk do.

Mendoj se e kanë gabim, edhe media që i mëshon këtij vendimi. Prania e Kurtit aty do të sillte vetëm të mira, në një tavolinë ku janë udhëheqësit e Ballkanit. Do të ishte njësoj sikur Serbia të pranonte defacto që Kosova është një shtet që po negocion”.