Nazime Visha “nuse” në skenë, biznesmeni nga SHBA vendos ta birësojë

Aktorja Ema Andrea ka veshur “nuse” në skenën e madhe të Teatrit Kombëtar dhe ka bindur Nazime Vishën të rrëfejë dramën e jetës së saj.

Ndërkohë, e dënuara e përdhunuesit të saj, sapo të lërë qelitë pritet të nisë një jetë të re në tokën e premtuar.

“GSH” shkruan sot se një familje shqiptaro­amerikane ka rënë në kontakt me familjen e Nazimes dhe ka kërkuar që ta “birësojë” atë.

Lajmi konfirmohet jo vetëm nga burime të besuara të Drejtorisë së Përgjithshme të Burgjeve, por edhe nga familjarë të vajzës e cila ekzekutoi Fiqiri Muçën, 45 vjeç, të cilin e akuzonte për përdhunim që kur ende nuk kishte mbushur 14 vjeç.