Ndahet nga jeta Vaso Qirinxhi, solisti i ”Korit Lira” të qytetit e Korçës

Është ndarë nga jeta një prej pjesëtarëve dhe njëkohësisht solist i ”Korit Lira” në qytetin e Korçës, Vaso Qirinxhi.

“Humbëm një qytetar të kulluar.” shkruan Niko Peleshi në profilin e tij në Facebook.

“Vasoja ishte një model i korçarit të mirë. E adhuronte Korçën, këngët tona, kulturën dhe traditat tona. Një lokalist me fjalë dhe vepra. Edukator brezash. Një zë i bukur i Korit Lira.

Mbi të gjitha, një veprimtar i fjalës së mirë. Edhe kur u sëmur, nuk donte të ankohej, si për të mos bërë të tjerët të ndihen keq. Nuk i harroj fjalët e Vasos kur e takoja shpesh në Parkun Rinia – “Jam i lumtur,” më thoshte, “dhe më vjen keq për ata që vuajnë shumë për të thënë një fjalë të mirë.”

Lamtumirë, Vaso!”, përfundon Peleshi.