Ndalohen 11 punonjës të tatimeve në Shkodër, dyshohet për një skemë korrupsioni

Policia e Shkodrës ka arrestuar 4 punonjës të tatimeve dhe të degës të hetimit tatimor, ndërsa 7 të tjerë janë shoqëruar në komisariat.

Ata dyshohet se në bashkëpunim me njëri-tjetrin kanë ngritur një skemë korrupsioni.

Aksioni që është ndjekur nga nëndrejtori i Policisë së Shkodrës dhe shefi i komisariatit është kryer pas disa muajsh hetimesh në disa subjekte tregtare, ku janë vërejtur shkelje të rënda.