Ndërhyrja tek TIMS, gazetari Dervishi rrëfen si ka ndodhur ngjarja

Gazetari Ferdinand Dervishi, ka dhënë qëndrimin e tij në lidhje me ndërhyrjen tek të dhënat e sistemit TIMS. Për të punonjësit e policisë bën rezistencë kur ju dha urdhër që të transferonin të dhënat, ndërkohë që edhe pse ishin njoftuar strukturat e larta të shtetit askush nuk reagoi.

“Unë e kam marrë vesh me datë 3. Mu desh të verifikoja të vërtetën e historisë. Ka ndodhur një ngjarje që është shtrirë në 12 orë. Në darkë punonjësit e terrorizuar të atij sektori, nuk po ndërhynte askush. Të terrorizuar vendosën të dërgonin këtë email anonim. Ky email, ju dërgua dhe SPAK dhe kryeministrisë, edhe shërbimet sekret, nuk mbeti më çështja brenda policisë. Është ndërhyrë në orën 10.

Në mbyllje të orarit të asaj dite, në zyrat që ndodhnin punonjësit që punonin me sistemin TIMS, ka ardhur drejtuesi i IT, Ervin Muço dhe ka urdhëruar punonjësit e vet të eksportojnë materialin në TIMS. Procesi i eksportimit të materialeve, nga shumë materiale të bëhen në një. Duke e eksportuar këto kanë mundësi të kopjohen. Ai nuk është një sistem i thjeshtë, dhe ato kanë hasur vështirësi. Ardit Muço ka kundërshtuar duke thënë se ky është një veprim që nuk bëhet.

Fillimisht kanë ikur. Më pas ka filluar njoftimi i eprorëve. Arditi u ka bërë një email vetëm Muhamet Rrumbullakut dhe Neritan Nallbatit. Nuk është bërë njoftimi vetëm me telefon por email. Duke parë që Ervin Muços nuk i janë përgjigjur punonjësit ai ka marrë persona të tjerë të paautorizuar nga jasht”,-tha ai në ”Euronews Albania”.