Ndërpritet operacioni për shuarjen e flakëve në Karaburun, shkak era e fortë

Është ndërprerë operacioni i Forcave të Armatosura, të cilët me mjete rrethanore do ndërhynin për shuarjen e flakëve në Gadishullin e Karaburunit.

Mësohet se shkak për këtë ndërprerje është bërë era e fortë dhe tymi i dendur, çka mund të rrezikonte jetën e ushtarëve dhe punonjësve të ADZM dhe prefekturës.

Tashmë pritet ulja e fuqisë së erës që të rinis puna për shuarjen e zjarrit. Pak më herët u raportua se era e fortë ishte problem edhe për ndërhyrjen nga ajri me helikopterë.

Sakaq zjarret janë dukë u kthyer në rrezik serioz edhe për parkun e Llogarasë.