Ndërrojnë jetë edhe dy pacientë të tjerë me koronavirus, shkon në 53 numri i viktimave

Kanë ndërruar jetë edhe dy pacientë të tjerë me koronavirus në vendin tonë, duke e çuar në 53 numrin total të viktimave.

Lajmin e hidhur e bën të ditur Ministria e Shëndetësisë, e cila bën me dije se viktimat janë një 59-vjeçare nga Lushnja dhe një 77-vjeçar nga Vlora.

“Dy qytetarë e kanë humbur betejën me Covid19 në 24 orët e fundit. Një 59 vjeçare nga Lushnja me insuficencë renale kronike dhe disa sëmundje të tjera bashkëshoqëruese dhe një pacient 77 vjeçar nga Vlora, i cili vuante nga hipertensioni, që trajtohej prej 10 ditësh në terapi intensive nuk kanë mundur të mbijetojnë pavarësisht mjekimit intensiv dhe pëpjekjeve maksimale të stafit mjekësor”, tha MSH.