Ndocaj: Jam demokristian, por më ka zgjedhur PS-ja

“Sigurisht, jam demokristian pasi kjo filozofi e jashtëzakonshme ka mbajtur gjallë Evropën. Por unë jam i zgjedhur nga listat e Partisë Socialiste”.

Kështu mësohet të jetë prononcuar deputeti më i ri i Kuvendit, Eduart Ndocaj, në një intervistë për “Rozafa TV”, duke i mbetur kështu qëndrimit të tij se megjithëse ndihet si demokristian, do figurojë si pjesë e Partisë Socialiste.

Kurse në lidhje me zgjedhjet e parashikuara parlamentare të vitit 2017, ai ka pohuar se do të kandidojë.

“Në 2017-ën, patjetër do jem kandidat në zgjedhjet që do vijnë. Shpresoj të jem kandidat në atë parti me të cilën do përfundoj mandatin”, tha Ndocaj lidhur me një fakt të tillë.