Ndocaj nga qendra e votimit: Shpresoj fitoren, por qytetarët të bëjnë zgjedhjen e tyre

Ka folur ditën e sotme për Fax News nga qendra e votimit, kandidati për kryetar bashkie të Lezhës Eduart Nocaj.

Ai është shprehur se të protestosh është krejt normale por ajo që lë për të dëshiruar është dhuna e ushtruar kundrejtë institucioneve publike. Ndërkohë që shpreson për fitore Ndocaj  këshillon qytetarët e Lezhës të bëjnë zgjedhjen e duhur dhe të shkojnë të votojnë kjo e fundit si një e drejtë kushtetuese.

Fjala e Eduar Ndocaj:

Unë mendoj se kjo ditë është siç është parashikuar, një ditë e qetë ku shqiptarët dolën të votonin të ardhmen e tyre.

Uroj të vijoj kështu, jam i bindur që do të vijoj kështu sepse nuk shikoj asnjë anomali dhe problem të paktën në rrethin e Lezhës.

Unë mendoj se shqiptarët dinë ta përqafojnë demokracinë dhe votën e lirë. Unë shpresoj që të jem fituesi por e di që qytetarët e Lezhës do të bëjn zgjedhjen e duhur.

Të protestosh është demokratike dhe unë nuk e shikoj si anormale, ndërkohë që të dëmtosh shkollat unë nuk e quaj normale, sepse nuk mund të cënohet prona. Unë I falenderoj të gjith që kqanë treguar qytetari, qytetarët e Lezhës kanë treguar që janë qytetar të devotshëm.