Ndryshim drastik i motit. Nga ftohtë në 35 gradë në Tiranë, pas 1 prillit

Data 1 prill mund të gjejë Tiranën me temperaturën maksimale që arrin në 35 gradë. Ky është parashikimi që bëjnë meteorologët lidhur me fillimin e muajit të ardhëm.

Nga fillimi i javës që vjen pritet që rrymat e ftohta ajrore që kanë goditur Europën Lindore të zëvendësohen nga një rritje e menjëhershme të temperaturave. Mediat italiane raportojnë se nga java që vjen pritet të shijojmë ditët e para të pranverës.

Sipas mediave italiane, nga 26 marsi deri në 1 prill do të kemi pranverë, mbase me temperaturat e verës, pasi erërat jugore do zëvendësojnë rrymat e ftohta lindore.

Sipas agjencisë metereologjike rryma e ngrohtë e quajtur “Hannibal” do ngrohë ndjeshëm Mesdheun, përfshirë edhe Shqipërinë, teksa temperaturat maksimale parashikohet që do kapin vlerën 33 gradë celsius në disa rajone.