Ndryshimet e para në qeveri/ Dy kandidatet që nuk u bënë deputete, Rama i emëron zv/ministre

Ende pa marrë mandatin e tretë qeverisës, kryeministri Edi Rama ka bërë ndryshimet e para në kabinetin qeveritar.

Në mbledhjen që ka zhvilluar ditën e djeshme Këshilli i Ministrave, ka vendosur emërimin e Bora Muzhaqin si zv.ministre e Arsimit dhe lirimin nga kjo detyrë të Aspajana Kongos.

Po kështu me firmën e numrit dy të qeverisë, Erjon Braçe, është emëruar zv.ministre e Mbrojtjes, Dallandyshe Bici, e cila ka mbajtur detyrën e kreut të IKMT.

Të dyja ishin kandidate për deputete në listën e PS-së për qarkun e Tiranës në zgjedhjet e 25 prillit, por asnjëra prej tyre nuk siguroi dot mandatin për tu futur në Kuvend.