Ndryshimi i adresave shqetëson KQZ-në, anëtarja Helga Vukaj e infektuar me covid

Në zgjedhjet e 25 prillit do të ketë 92 zona të administrimit zgjedhor, 2 më shumë se në parlamentaret e 2017.

Në takimin online të KQZ, komisioneri shtetëror Ilirian Celibashi tregoi që Bashkia e Fierit dhe bashkia e Beratit do të kenë 2 ZAZ më shumë.

Ilirian Celibashi: Kemi ndjekur në ndarjen e dy zonave të reja administrimi zgjedhore bazuar në informacionin e dejtorisë së përgjithshme të gjendjes civile, janë dy bashki në të cilat numri i zgjedhësve me të dejtë vote është mbi 80.

Ndërsa anëtari i Komisionit Rregullator, Muharrem Çaka, ngriti shqetësimin e ndryshimit të adresave nga ana e gjendjes civile.

Muharrem Çaka: A impakton kjo së pari zonat zgjedhore dhe së dyti në merakun tonë që kemi kryesor në fletën dhe në ditën e votimit a impakton kjo në ditën e votimit në momentin e votimit në zgjedhës i cili realisht figuron i regjistruar në Tiranë por nuk shkon dot në qendrën e votimit për arsye se nuk ka dokumentin e identifikimit që duhet ta marrë në Lushnje, në Tropojë apo kudo që e ka hedhur gjendja civile.

Anëtarja e Rregullatorit, Helga Vukaj, e pamësuar me mbledhjen oline publike, tregon në një bisedë me përfaqësuesin e PD-së në KQZ që ndodhet në shtëpi me Covid.

Helga Vukaj: Nuk jam në zyrë, jam në shtëpi me Covid.