Ndryshimi i sistemit zgjedhor? Balla flet për teka dhe tekanjozë

Opozita në parlament e ka shpallur kauzë të saj ndryshimin e sistemit zgjedhor. Por Partia Socialiste duket se nuk e ka ndërmend të pranojë sugjerimet e saj.

Një fakt i tillë u pohua për RTV Ora nga kreu i grupit parlamentar Taulant Balla.

Balla: Sot Shqipëria ka detyrimin të plotësojë rekomandimet e ODIHR. Çështje që lidhen me sistemin zgjedhor nuk kanë të bëjnë fare me rrugën europiane të Shqipërisë, janë teka dhe tekanjozë.

PS nuk do të marrë parasysh propozimin e PD për strukturë të re për reformën zgjedhore.

Sekretari i Përgjithshëm i PS-së thotë se demokratët e kanë bërë të rrugës që të dalin me kushtet që as vetë nuk i kuptojnë.

Balla: PD është mësuar të vendosë kushte që as vetë nuk i kupton. Sot Shqipëria ka detyrimin të plotësojë rekomandimet e ODIHR.