Në Dibër bëhen 8 tamponë, 5 persona dalin pozitivë me Covid-19

5 raste të reja me koronavirus janë shënuar së fundmi në Dibër. Mësohet se janë bërë vetëm 8 tamponë, dhe vetëm tre prej tyre kanë dalë negativë.

Bëhet me dije se nga 5 rastet 1 është kontakt i rasteve të mëparshme dhe 4 janë vatra të reja.

Duket qartë që numri i rasteve në Dibër duhet të jetë edhe më i lartë, por gjithçka është e kufizuar nga tamponët.

Tchannel raporton se ka raste në Komisariatin e policisë dhe institucionet vendore të qytetit. Po ashtu është dhe një rast në bashki dhe një rast në prefekturë.