Në kërkim nga SPAK-u, Elson Reçi arrestohet në Dubai për atentatin e vitit 2020 në Tiranë

Elson Reçi është arrestuar në Dubai, pasi ishte i shpallur në kërkim nga SPAK. Ai është nipi i Kastriot Reçit dhe SPAK ka zbardhur atentatin e vitit 2020 në Tiranë ku u hodh në erë makina me të cilën udhëtonte Preng Gjini, i cili mbeti i plagosur rëndë në atë kohë. Në dosje thuhet se personi që kreu atentatin është nipi i Kastriot Reçit, Elson Reçi. Në njoftimin e SPAK-ut, theksohet se personi i cili informonte Reçin për të gjitha lëvizjet e Gjinit ishte shefi i Seksionit të Trafiqeve dhe Narkotikëve në Drejtorinë e Lezhës.