Në Krujë dyshohet edhe për pesë raste të reja me COVID-19

Në Krujë, në një prej vatrave të koronavirusit dyshohet se kanë rezultuar pozitivë edhe pesë raste të rinj gjatë 24 orëve të fundit.

News 24 raporton se ditën e djeshme janë marrë 38 mostra, pesë prej të cilave dyshohet se kanë rezultuar pozitivë.

Aktualisht në Krujë kanë rezultuar pozitivë 97 raste, ndërsa numri i personave që kanë rezultuar pozitivë në të gjithë vendin është 750.

Vatra kryesore mbetet Tirana me 309 të infektuar, por fatmirësisht 431 persona janë shëruar. Ndërsa numri i viktimave ka shkuar në 30.