Në mesin e të vaksinuarve të parë është edhe Rama, Silva Bino tregon për gjendjen e tyre

Në ditën e dytë të vaksinimit ndaj Covid-19, kryeministri Rama zhvilloi një inspektim në “Air Albania Stadium”, ku ka nisur në mëngjes vaksinimi i epidemiologëve nga Tirana, Durrësi, Kruja e Kavaja.

Shefja e epidemiologjisë në Institutin e Shëndetit Publik, Silva Bino, tha se në ditën e parë të vaksinimit në vend, ku vaksinën e mori edhe kryeministri Rama, nuk ka pasur asnjë person me reaksione anësore.

Bino tha se njëkohësisht do të nisi vaksinimi edhe në shtëpitë e të moshuarve. Ndërkohë, Rama tregoi se edhe ai nuk kishte pasur asnjë problem pas dozës së parë të vaksinës Pfizer.