Në portin e Sarandës, kontroll pasagjerëve për virusin kinez (VIDEO)

Virusi kinez ka shqetësuar botën, ndaj dhe Njësia e Shëndetit Publik në portin e Sarandës, ka nisur zbatimin e urdhërit për marrjen e masave. Në këtë port janë dy tragete që vijnë çdo ditë në mëngjes nga Korfuzi, “Santa” dhe “Kristi”. Tragetet vijnë pothuajse në të njejtën orë, 08:45. Mirëpo, edhe pse ishin dy tragete pasagjere ishin pak, pothusjse 50 vetë. Specialistja e Shendetit Publik, Zhulieta Këndezi me termometer u mati të gjithë pasagjerëve temperaturën, dhe nuk pati asnjë problem shqetësues. ”Kontrolli është i përditshëm”, Zhulieta Këndezi. ”Jam i detyruar të njoftoj portin për ardhje, numrin e pasagjerëve dhe kombësinë e tyre”, tha kapiteni Genci Nako, teksa shton se nuk ka pasur asnjë rast shqetësues. Sakaq, kontrollet bëhen edhe në nisje.