“Në qiell të hapur”, i riu nga Vlora apelon për ndihmë: Rrëshqitja e tokës më shkatërroi banesën

Shirat e dendur të ditëve të fundit kanë shkaktuar probleme me rrëshqitjen e dherave edhe në Babicë të Madhe të Vlorës.

Një qytetar i quajtur Dritan Aliraj kërkon ndihmë pasi ka mbetur bashkë me dy prindërit në qiell të hapur.

Rrëshqitja e tokës ka shkaktuar rënien e disa pemëve sipër ndërtesës ku banonte familja prej 3 anëtarësh. Ata shprehen se kanë frikë të kthehen brenda nga frika se mos i zë poshtë.

Dritani thotë se autoritetet kanë ardhur për inspektim dy ditë më parë, por që nga ajo ditë asgjë nuk është bërë për ta.

“Jemi në qiell të hapur, ju lutemi na ndihmoni”,- thotë ai.