Në sy të Varhelyit, Rama sillet si “diplomat”: PD i shtrij dorën pa ndërprerje

Me një rol prej ”diplomati”, kryeministri Edi Rama në sy të Komisionerit për Zgjerimin e BE-së Oliver Varhelyi, i bëri sërish ftesë PD-së për bashkëpunim.

”Dua të përsëris që bindja dhe vullneti im është që mandate i tretë të mos i ngjajë dy të parëve në aspektin e luftës politike. PS do ta braktisë llogoren e luftës së vjetër bajate, banale krejt të panevojshme për vendin, e për sa na takon do të fokusohemi tek punët e mëdha për të cilën jemi votuar dhe do ta mbajmë dorën të shtrirë pa asnjë ndërprerje për opozitën. PD është e mirëpritur kurdoqoftë dhe sidoqoftë të kthehet me këmbë në tokë për të hapur një proces diskutimi krejtësisht pa asnjë kusht për mënyrën si mund të kontribuojmë bashkarisht për të shtyrë para punët dhe patjetër integrimin europian të Shqipërisë”,-tha Rama.