Në të gjithë pikat kufitare testi i shpejtë është monopol i privatit

Një prej kushteve që kërkohet në të gjitha kufinjtë në Shqipëri është edhe testi i shpejtë në mungesë të testit PCR. Kjo ka bërë që në të gjithë pikat kufitare të hapen pika testimi për ”rapid test” ku drejtohen me mijëra udhëtarë.

Sa i përket Aeroportit të Rinasit nuk ofrohen testet e shpejta, as testi serologjik apo edhe ai i antigjenit, por vetëm testet PCR, të cilat bëhen nga një kompani private dhe kushton 35 euro. Në të gjitha pikat e tjera kufitare çmimet variojnë nga 15 deri në 25 euro dhe realizohen nga disa kompani të caktuara private.

Çmimet janë tepër të larta, duke ia kaluar shumë vendeve të BE-së që në të shumtën e rasteve i ofrojnë edhe në farmaci teste të tilla apo kanë bërë marrëveshje me kompanitë që çmimi të ketë një limit si në rastin e Italisë kur testi nuk i kalon 15 euro. Pse qeveria shqiptare nuk e bën një marrëveshjet të tillë me privatët? Ka vende që testin e shpejtë e ofrojnë edhe falas nga shteti në pikat kufitare.