Negociatat u hapën, por sa zgjat koha deri në anëtarësimin e plotë? Bilalli: Nga 10 në 15 vite

Profesori i Shkencave politike, ish-deputeti i PDD-së në Maqedoninë e Veriut, Mersel Bilalli, flet për hapjen e negociatave të BE-së me Tiranën dhe Shkupin. Ai vuri në dukje se tanimë ka ndryshuar konstelacioni i kohëzgjatjes së bisedimeve, të cilat zgjasin mesatarisht 10-15 vite, ndërkohë që para vitit 2010 zgjasnin 5 deri në 7 vite.

“Tani zgjasin 10-15 vite. Do kërkohen reforma substanciale, sepse nuk kanë përvojë të mirë nga Rumania dhe Bullgaria. Është mirë për vet shtetet, që duhet t’i bënë reformat për veten, jo për Bashkimin Evropian”.

VMRO-DPMNE-ja në shtator mund të fillojë grumbullimin e nënshkrimeve të nevojshme për referendum mbi përbërjen e kornizës negociuese me BE-në dhe përfshirjen e pakicës bullgare në Kushtetutë. Për Bilallin ka pak gjasa që referendumi të kalojë dhe do të ketë vlefshmëri.