Nëna lehonë në burg, e moshuara kujdeset për nipin 20 ditësh: Jam e lodhur

Zyfe Bahçja kërkon që nusja lehonë të kthehet pranë foshnjes, e cila ka vetëm pak ditë që ka lindur.

Rasti i paprecedentë në drejtësinë shqiptare ku nëna është e ndarë nga foshnja vetëm 8 ditëshe për t’u çuar në qelitë e burgut 313, ka sjellë një situatë dramatike në familjen Bahçja në Drisht të Postribës në Shkodër.

”Është e vështirë sepse jam e lodhur vetë, se nuk përtoj. Nuk përton njeri t’i bëjë shërbim fëmijës së tij. Dua të më sjellin nusen, kërkesë tjetër nuk kam”,-thotë e moshuara.