Nënkryetari i PL, Braimllari: Rama na përçau, por tani jemi bashkuar dhe u bëmë uragan

Nënkryetari i Partisë së Lirisë, Endrit Braimllari thotë se protesta e opozitës që u mbajt mbrëmë para Kryeministrisë, ishte një uragan popullor, që tregonte mbështetjen e madhe të opozitës.

Sipas tij, Rama e përçau opozitën duke blerë segmente të caktuara të saj, por tani opozita e bashkuar është një problem serioz për kryeministrin.

”Kemi hyrë në një situatë jashtëzakonisht të mirë për opozitën. Rama e përçau opozitën duke blerë segmente të caktuara të opozitës. Tani që opozita ka bashkuara energjitë e saj është një problem serioz për Edi Ramën, se ai në çdo zgjedhje hyn me idenë për të përçarë opozitën”, tha Braimllari në ”Euronews Albania”.