Netanyahu pritet sot nga Trump në Shtëpinë e Bardhë, takimi me dyer të mbyllura

Ditën e sotme në Shtëpinë e Bardhë do të zhvillohet takimi i tretë mes dy liderëve, presidentit amerikan Donald Trump dhe kryeministrit izraelit, Benjamin Netanyahu.

Sipas agjendës së parashikuar, mbërritja e Netanyahut në Shtëpinë e Bardh, është planifikuar rreth orës 18:30 me orën lokale (12:30 pas mesnate me orën e Shqipërisë).

Ndryshe nga dy vizitat e mëparshme të Netanyahut në SHBA këtë vit, kësaj radhe nuk është planifikuar asnjë konferencë për shtyp dhe as ndonjë fotografim zyrtar në Zyrën Ovale.

Po ashtu takimi nuk do të ketë prani të mediave.

Netanyahu do të zhvillojë një takim me Sekretarin amerikan të Shtetit, Marco Rubio, si dhe me të dërguarin e posaçëm të SHBA për Lindjen e Mesme, Steve Witkoff.

Më pas, Netanyahu dhe Trump do të zhvillojnë një darkë private bashkë me bashkëshortet e tyre.