Nga Durrësi shkon për të grabitur bankën në Korçë, kapet në flagrancë
Nga Durrësi shkon në Korçë për të grabitur bankën, por bie në pranga në kushtet e flagrancës.
Filiali i një prej bankave të nivelit të dytë në qytetin e Korçës është vënë në shënjestër nga një person, i cili ka pasur si qëllim grabitjen e saj.
Sipas policisë, ngjarja ka ndodhur mbrëmjen e së premtes, kur agresori ka tentuar të hyjë në ambjentet e bankës duke thyer xhamin e saj.
Por atë e ka tradhtuar alarmi i bankës, që vuri në lëvizje forcat e policisë. Këta të fundit kanë mbërritur në vendin e ngjarjes dhe e kanë arrestuar në flagrancë grabitësin.
Pas arrestimit, policia tha se personi në fjalë është identifikuar si Ismet Lushi, 23 vjeç dhe banues në Manëz të Durrësit.